Zatoz zintzoen barnera,
Espiritu sortarazle;
bete graziaz bihotzok,
Zu bait zaituzte egile.
Poz-emaile deritzazu,
Goiko Jaunaren dohaia,
lur bizi, su-gar, maitasun,
eta gantzu zerukoia.
Zazpi dohaien ixurle,
Jaungoikoaren besoa,
Aitak agindu bezala
hartzen dugun goi-mintzoa.
Argi zaiguzu zentzua,
maitekor egin bihotza,
indar iraunkorrez senda
gaitz-bera dugun gorputza.
Haiza gugandik etsaia
iguzu, arren, bakea,
Zu aurretik zaitugula,
urrun zaiguzu kaltea.
Erakus zaiguzu Aita,
erakus Semea guri;
bien Arnasa zerala
sinistu dezagun beti. Amen.
