GORESPENAK
Agurra
V/. Zatozkit lagun, ene Jainko.
R/. Jauna, zatoz laster ni laguntzera.
V/. Aintza Aitari eta Semeari eta Espiritu Santuari.
Hasieran zen bezala orain eta beti
gizaldi eta gizaldietan. Amen.
Alleluia.
1 Ant. Nire hitzak espiritu eta bizi dira, alleluia.
118 Salmoa
Entzun naizu, Jauna:
oihuka dihardut bihotz guztiaz,
beteko ditut Zuk jarriak.
Oihuka nagotzu, salbau naizu,
Zuk iragarriak gordeko ditut.
Egunsentirako banator zure
laguntza eskatzera,
zure hitzetan dot itxaropidea.
Gau-aldiei aurrea hartu deutse nire
begiak,
zure esanak gogoan irauliz.
Entzun, Jauna, zure
onginahiez nire oihua,
emoidazu bizia zure erabagien
arabera.
Gaiztoz eraso nabenak hurrean dira,
zure legetik urrun dira.
Hur zaukadaz, Jauna,
leial dira zure agindu danak.
Aspaldi da, Zuk iragarriei igarri
deutsedana,
Zuk betiko jarriak dirana.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Nire hitzak espiritu eta bizi dira, alleluia.
2 Ant. Jauretxe bat eta altara bat jaso dozuz, Jauna, zure bizileku santuan, alleluia.
Kantika: Jak 9, 1-6. 9-11
Arbasoen Jainko eta Jaun
errukitsu,
diran guztiak zeure hitzez eginak
dituzu;
zeure jakituriaz egin zendun
gizakia,
zure sorkari guztien nagusi izango
zana;
zintzo eta zuzen lurbirea antolatu
eian,
bihotz leialez auziak erabagi eizan.
Emoidazu, Zurekin zure
aurkian dagoan jakituria,
eta ez ni baztertu zure seme-alaben
artetik.
Zure zerbitzari nozu, eta zure
neskamearen seme(-alaba),
bizi laburreko gizon(-emakume)
ahula,
auziak eta legeak ulertzeko makala.
Gizakirik bikainena ere
ezer ez da-ta,
Zugandiko jakituriarik harengan ez
bada.
Zeugaz dozu
zure egintzak ezagutzen dauzan
jakituria,
Zuk, mundua egitean, bertan zana;
harek badaki zure begiei atsegin
jakena,
zer dan zuzena zure aginduen
arabera.
Bialdu eidazu zeru santu
horretatik,
helduazo eidazu zure aintzaren
aurkitik;
neugaz izanik, neugaz jardun daian
lanean,
eta ikusi daidan Zuri zer jatzun
atsegin.
Harek dana daki, eta dana
ulertzen dau:
nire egitekoetan zentzunez nau
gidatuko,
eta bere aintzaz babestuko.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Jauretxe bat eta altara bat jaso dozuz, Jauna, zure bizileku santuan, alleluia.
3 Ant. Neu naz bidea, egia eta bizia, alleluia.
116 Salmoa
Goretsi eizue Jauna,
atzerri guztiak,
goraldu eizue, herri guztiak.
Sendotu dau-ta guregan
bere maitasuna,
eta beti-betiko dago Haren
leialtasuna.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Neu naz bidea, egia eta bizia, alleluia.
Jds 20-23a
Zuen sinismen santuan sendo jasota, Espiritu Santuagan otoitz egiten dozuela, iraun eizue Jainkoaren maitasunean, eta itxaron, Jesu Kristo gure Jaunak bere errukiz emongo deutsuen betiko bizia. Batzuk zalantzan dagozala? Argitu eizuez; besteak sutatik atara eta salbau eizuez. Agertu besteei errukia, baina zuhurtasunez.
R/. Biztu da Jauna hilobitik. * Alleluia, alleluia.
Biztu da.
V/. Gugatik hagan zintzilik hil zana.
Alleluia.
Aintza Aitari. Biztu da.
Bened. ant. Ni zeuekaz nozue egunero, munduaren azken-eguna arte, alleluia.
Lk 1, 68-79
Bedeinkatua Jauna,
Israelgo Jainkoa
agertu eta bere herria askatu dauana;
salbamen indarra deusku emon,
bere morroi Dabiden etxean.
Halan eukan-eta berbea
emonda bere santuen bidez,
behinola bere profeta ebazanen bidez;
salbamena gure arerioen menpetik,
gorroto deuskuen guztien eskutik.
Horrela egin deutse gure
gurasoei erruki,
bere alkarte santuaz oroiturik;
egin eutson-eta gure guraso Abrahami zin-hitza,
Berak emongo euskula.
Gure etsaien eskutik gu
atarata, bildur barik,
izan gaitezan Haren zerbitzari;
zintzo eta zuzen Beraren aurrean,
gure egun guztietan.
Zu, barriz, seina,
Goi-goikoaren profeta deitua izango zara,
Jaunaren aurpegi aurretik joango zara-eta,
Hari bidea prestatzera;
erakustearren Haren herriari salbamena,
euren pekatuen parkamena.
Gure Jainkoaren errai
errukitsuekaitik,
agertuko jaku Goiz-eguzkia ganetatik;
ilunpetan eta herio-gerizpean dagozanei argi egitera,
gure oinok bake-bidean zuzentzera.
Aintza Aitari eta Semeari,
eta Espiritu Santuari.
Lehen lez, orain eta beti,
eta amaibako egunetan. Amen.
Ant. Ni zeuekaz nozue egunero, munduaren azken-eguna arte, alleluia.
Eskariak
Espiritu Santuagan bateatuak garanok, goretsi daigun Jauna bateatu guztiekin batean, eta eskatu deiogun:
Jesus Jauna, egin gaizuz santu Espiritu Santuagan.
—Bialdu eizu gugana Espiritu Santua, * gure Errege eta Jaun autortu zaiguzan gizon-emakume guztien aurrean.
—Emoiguzu egiazko maitasuna, * senide lez alkar maite izan daigun.
—Zuzendu eizuz zeure graziaz fededunen bihotzak, * gogo alaiz hartu daiezan Espiritu Santuaren dohaiak.
—Emoiguzu zure Espiritu Santuaren indarra, * gugan makal eta zauriturik dagoana, sendotu eta osatu daian.
(… isil unea, bakotxak bere eskaria egin ahal izan daian).
Gure Aita
zeruetan zarana,
santu izan bedi zure izena,
etor bedi zure erreinua,
egin bedi zure nahia
zeruan bezela lurrean ere.
Emoiguzu gaur
egun honetako ogia,
parkatu gure zorrak
geuk ere geure zordunei
parkatzen deutsegun ezkero,
ez eiguzu itzi tentazinoan jausten
baina atara gagizuz gatxetik.
Otoitza
Pazko-aldia amaitzen dogun honetan, iguzu, Jainko ahalguztiduna, Pazko-misterioak iraun daiala gure jokabideetan eta gure bizitza guztian. Zure Seme Jesu Kristo gure Jaunaren bitartez, Zurekin eta Espiritu Santuarekin batean Jainko eta errege bizi da-ta, gizaldi eta gizaldietan.
Amaierea
V/. Bedeinkatu gaizala
Jainko ahalguztidunak: Aitak eta Semeak eta Espiritu Santuak.
R/. Amen.
V/. Goazen Jaunaren
bakean.
R/. Eskerrak Jainkoari.
